1.    Хэвлийн арьс сойх

Таргалалт, тарган байдлаас турснаас үүдэлтэй хэвлийн өмнөд хэсгийн унжилт, язралт болон төрсний дараах хэвлийн арьсны унжилт, кесарево болон эмэгтэйчүүдийн мэс заслын дараах арьсны үл агшилт, өөх соруулах мэс заслын дараах арьсны сулралыг засах зорилгоор хийгдэж буй мэс засал юм. Хэвлийн арьс татах мэс засал нь хэвлийн хэлбэрийг засч хүнийг өв тэгш бие бялдартай харагдуулах зорилгоор хийгддэг мэс ажилбар бөгөөд хийгдэх ажилбараасаа шалтгаалан 6,000,000₮-с эхэлдэг. Мэс заслыг бүтэн унтуулгатай хийнэ.

Заалт:

1.    Хэвлийн арьсны язралт, унжилт

2.    Биеийн галбир, гоо зүйг сэргээх

Эсрэг заалт:

1.    Хэвлийн доод хэсэгт сорвитой болохыг хүсэхгүй байгаа үйлчлүүлэгчид

2.    Мэс заслын хэсэгт үрэвслийн голомттой

3.    Химийн болон туяа эмчилгээ хийлгэж буй

4.    Жирэмсэн эх

5.    Склеродермийн хүнд хэлбэр

6.    Арьсны хурц идээт үрэвсэл

7.   Өөрөө бие даан шийдвэр гаргах боломжгүй үйлчлүүлэгчид (өөрийгөө голох эмгэг, хэт үнэлсэн бодол санаа, солиорол, дэмийрэл...бусад)

8.   Цус бүлэгнэлтийн эсрэг эмчилгээ хийлгэж буй

9.   Чихрийн шижин эмгэгтэй

Хэвлийн арьс сойх мэс заслын дараах зөвлөмж:

1.  Шарханд 7-10 хоног ариун боолт хийлгэж давтан үзлэгт тогтмол үзүүлэх

2.  Сайн унтаж амрах

3.  Мэс заслын дараа 3-7 хоногт эмчийн заавраар антибиотик эмчилгээг хийх

4.  7-14 хоногийн дараа арьсны оёдлыг авхуулах

5.  Зориулалтын даруулгыг тогтмол өмсөх /1-2 сар/

6.  Архи, согтууруулах ундаа хэрэглэх, тамхи татахыг 1 сар хатуу хориглоно

7.  Сүү сүүн бүтээгдэхүүн 21-28 хоног хэрэглэхгүй байх

8.  Халуун ногоо, харшил үүсгэх хоол хүнс хэрэглэхгүй байх

9.  Шаардлагатай гэж үзвэл эмчийн заавраар эмчилгээний массаж хийлгэх