Хамар өндөрлөх мэс засал

Тодорхой заалт нөхцөл бүрдсэн үед хамрын хэлбэрийг засаж, өндөрлөх, хамрыг гоо зүйн талаас сэргээх зорилгоор хийж буй мэс засал юм. Мэс засал хэсгийн болон ерөнхий мэдээгүйжүүлэгтэй хийгдэнэ. Хамрын мэс ажилбар нь хэд хэдэн төрлөөр хийгддэг. Та манай мэс заслын эмнэлэгт ирж мэргэжлийн эмч нараас зөвлөгөө авч үйлчлүүлнэ үү.

Заалт:

1.  Хамрын нуруу, хянга намхан үед

2.  Гэмтлээс шалтгаалж хамрын нуруу цааш цөмөрсөн

3.  Хамрын угалз том үед

Эсрэг заалт:

1.   Хамар болон нүүр орчим үрэвслийн голомттой

2.   Химийн болон туяа эмчилгээ хийлгэж буй

3.   Жирэмсэн эх

4.   Өөрөө бие даан шийдвэр гаргах боломжгүй сэтгэцийн байдалтай өвчтөнүүд (өөрийгөө голох эмгэг, хэт үнэлсэн бодол санаа, солиорол, дэмийрэл... гэх)

Мэс заслын дараах гам дэглэм:

1.   Мэс заслын дараа 3-7 хоног антибиотик эмчилгээ хийнэ.

2.   Шарханд антибиотиктой тос 7-10 хоног түрхэнэ.

3.   Хүйтэн жин тогтмол тавина.

4.   Ариун боолтыг өдөр бүр хийнэ.

5.   7-10 хоногийн дараа оёдол болон чиг авна.

6.   Архи,тамхи хэрэглэхийг 1 сар хатуу хориглоно.

7.   Сүү сүүн бүтээгдэхүүн халуун ногоо харшил үүсгэх хоол хүнс 21-28 хоног хэрэглэхийг хориглоно.